Aaj News

جمعہ, مارچ 29, 2024  
18 Ramadan 1445  

بجلی مکمل بحال ہے، اگلے 48 گھنٹے محدود لوڈشیڈنگ ہوگی، خرم دستگیر

کراچی اور چشمہ کے جوہری پلانٹس چلانے کیلئے کام جاری ہے، وفاقی وزیر
شائع 24 جنوری 2023 10:40am
وفاقی وزیر توانائی خرم دستگیر بجلی بریک ڈاؤن کے حوالے سے منگل 24 جنوری 2023 کو اسلام آباد میں پریس کانفرنس کر رہے ہیں۔ فوٹو اے ایف پی
وفاقی وزیر توانائی خرم دستگیر بجلی بریک ڈاؤن کے حوالے سے منگل 24 جنوری 2023 کو اسلام آباد میں پریس کانفرنس کر رہے ہیں۔ فوٹو اے ایف پی

وفاقی وزیر توانائی خرم دستگیر کا کہنا ہے کہ بجلی کا نظام مکمل طور پر بحال ہے، کوشش ہوگی کہ دوبارہ بریک ڈاؤن نہ ہو، اگلے 48 گھنٹے محدود پیمانے پر لوڈشیڈنگ ہوگی۔

بجلی بریک ڈاون کے حوالے سے اسلام آباد میں پریس کانفرنس کرتے ہوئے خرم دستگیر خان نےکہا کہ تعطل کے بعد بجلی کے تمام گرڈ اسٹیشن مکمل بحال کردیے ہیں، بجلی بحالی کے لئے وزیرپانی اور چیئرمین واپڈا سمیت سب کے شکرگزار ہیں، سیلاب زدہ علاقوں میں کل ہی بجلی بحال کردی گئی تھی۔

وفاقی وزیرتوانائی نے کہا کہ پاورپلانٹس کو دوبارہ چلانے کے لئے بجلی کی ضرورت ہوتی ہے، تربیلا پاور پلانٹ کو چلا کر دیگر پلانٹ کو بجلی مہیا کی گئی، آج صبح سوا 5 بجے سے پورے ملک میں بجلی مکمل بحال ہے، کراچی اور چشمہ کے جوہری پلانٹس چلانے کے لئے کام جاری ہے، بجلی کا ترسیلی نظام مکمل طور پر محفوظ ہے۔

خرم دستگیر نے کہا کہ بجلی کارخانے چلانے کےلئے وافر ایندھن موجود تھا اور ہے، ایندھن سے متعلق افواہیں درست نہیں، پورے سال میں جنوری کی راتوں میں بجلی کی کم طلب ہوتی ہے، بحالی کا کام جاری ہے، جلد بجلی بحال ہوجائے گی، کوشش ہوگی کہ دوبارہ بجلی کا بریک ڈاؤن نہ ہو، جلد کراچی میں بھی بجلی مکمل طور پر بحال ہوجائے گی۔

انہوں نے مزید کہا کہ گزشتہ حکومت نے سسٹم میں کوئی نئی سرمایہ کاری نہیں کی، ملک بھر میں بجلی کی فراہمی بحال ہوگئی ہے، صرف معمول کی لوڈشیڈنگ کی جارہی ہے۔

وفاقی وزیرتوانائی کا کہنا تھا کہ وزیراعظم نےبجلی تعطل معاملےپر 3 رکنی تحقیقاتی کمیٹی تشکیل دی، تحقیقاتی کمیٹی کی سربراہی ڈاکٹر مصدق ملک کررہے ہیں۔

خرم دستگیر نے کہاکہ گزشتہ 4 سال میں بجلی پر کوئی کام نہیں کیا گیا، کل گزشتہ حکومت کی نالائقی کا نظارہ سب نے دیکھا، مانسہرہ میں بڑا گرڈ اسٹیشن کا افتتاح جلد وزیراعظم کریں گے۔

Khurram Dastgir

اسلام آباد

Energy Minister

Electricity Short fall

Electricity Shut Down

Comments are closed on this story.

تبصرے

تبولا

Taboola ads will show in this div