Aaj News

فواد چوہدری کی گرفتاری جلتی پر پیڑول کا کام کرے گی، شیخ رشید

چھوٹا بھائی وزیراعظم ہے اور بڑے بھائی کے پاکستان آنے پر پاؤں میں مہندی لگی ہے
شائع 25 جنوری 2023 02:44pm
<p>فوٹو۔۔۔۔۔۔ اے ایف پی</p>

فوٹو۔۔۔۔۔۔ اے ایف پی

عوامی مسلم لیگ کے سربراہ شیخ رشید نے کہا ہے کہ فواد چوہدری کی گرفتاری جلتی پر پیڑول کا کام کرے گی، چھوٹا بھائی پرائم منسٹر ہے اور بڑے بھائی کےپاکستان آنےپر پاؤں میں مہندی لگی ہے۔

سماجی رابطے کی ویب سائٹ ٹوئٹر پر جاری بیان میں شیخ رشید نے کہا کہ 90دنوں میں2صوبائی اسمبلیوں میں الیکشن ہونے جارہے ہیں اورالیکشن کمیشن سیاست دانوں پرپرچےکٹوارہاہےجو اس کا کام نہیں،الیکشن کمیشن اپنی ساکھ کواتنا نہ گرائے کہ قوم کا الیکشن سے اعتبار اٹھ جائے ۔

سابق وزیرداخلہ نے کہا کہ ایف آئی آرپڑھ کر اندازاہ ہوا یہ کیس عدالت میں 2 نفلوں کی مارہے، قوم کو الیکشن کی طرف جانے دیا جائے ورنہ قوم سڑکوں پر فیصلہ کرے گی۔

شیخ رشید نے اپنے ٹویٹ میں کہا کہ الیکشن کمیشن کا کام پرچے کروانا نہیں بلکہ الیکشن کروانا ہے، حکومت کے ارادے واضح ہو چے ہیں، عوام کو سمجھ جانا چاہیئے کہ یہ الیکشن نہیں، کچھ اور کرنے جا رہے ہیں ۔

پی ٹی آئی رہنما فواد چوہدری کی گرفتاری پر ردعمل دیتے ہوئے عوامی مسلم لیگ کے سربراہ نے کہا کہ ان کی گرفتاری میں الیکشن کمیشن سیاسی فریق بن گیا ہے، آئی ایم ایف کی شرائط سے پہلے گرفتاریوں کا دور شروع ہوگا، جس کے بعد جام حکومت کا سڑکوں پر کام تمام ہو جائے گا۔

انہوں نے کہا کہ جو قوم الیکشن کمیشن پر اعتبار نہیں کر رہی، وہ الیکشن کے نتائج پر کیا خاک اعتبارکرے گی، چھوٹا بھائی پرائم منسٹرہےاور بڑے بھائی کےپاکستان آنےپر پاؤں میں مہندی لگی ہے، الیکشن کا مطالبہ کرنےوالے الیکشن پرجانےکےلئے تیار نہیں ہیں، نیب ترامیم سے فائدہ اٹھانے والے عنقریب قوم کے احتساب کی بھینٹ چڑھیں گے۔

سابق وفاقی وزیر داخلہ کا مزید کہنا تھا کہ زرمبادلہ کےذخائر4بلین سےکم اور آئی ایم ایف کی شرائط سرپر ہیں، وزیروں کاجمعہ بازارلگاہے، سیاسی اقتصادی معاشی اور توانائی کا بحران حکومت کے گلے پڑنے والا ہے، ملک جام ہےحکومت کاکام تمام ہے، فواد کی گرفتاری جلتی پر پیڑول کا کام کرے گی، اب ملک الیکشن کے بجائے تشدد کی راہ پر چل پڑا ہے فیصلے سڑکوں پر ہوں گے۔

Sheikh Rasheed

اسلام آباد

Awami Muslim League

Fawad Chaudhry arrested

Comments are closed on this story.

مقبول ترین