Aaj News

جمعہ, مارچ 29, 2024  
18 Ramadan 1445  

پشاور پولیس لائن کا علاقہ کتنا حساس ہے؟

کچھ آگے جائیں توجوڈیشل کمپلیکس، پشاور ہائی کورٹ، کور کمانڈر ہاؤس کی عمارت موجود ہے۔
شائع 30 جنوری 2023 06:23pm
تصویر بزریعہ روئٹرز
تصویر بزریعہ روئٹرز

پشاور کے انتہائی حساس علاقے پولیس لائنز کی مسجد میں دھماکے سے جہاں مسجد کی عمارت کا کچھ حصہ منہدم ہوا وہیں قریب موجود کینٹین کی عمارت بھی گر گئی۔

پولیس لائن کا علاقہ پشاور میں انتہائی حساس ہے اور یہاں پولیس افسران و انتظامیہ کے دفاتر اور پولیس اہلکاروں کی رہائش گاہیں موجود ہیں۔

پولیس لائن کا علاقہ پشاور شہر کے اہم اور حساس علاقوں میں سے ایک مانا جاتا ہے۔

پولیس لائن شہر کی اہم شاہراہ خیبر روڈ پر واقع ہے۔

پولیس لائن سے ملحقہ شاہراہ سے ایک راستہ وزیر اعلیٰ ہاؤس اور گورنر ہاؤس کی جانب جاتا ہے، جبکہ اس کے دائیں جانب سول سیکریٹریٹ کی عمارت موجود ہے۔

پولیس لائن کے عقب میں پشاور کی سینٹرل جیل بھی واقع ہے۔

یہ علاقہ ایک ہائی سیکورٹی زون قرار دیا جاتا ہے اور یہاں ہر آنے اور جانے والی کی تلاشی لی جاتی ہے۔ پولیس نے مختلف جگہوں پر ناکہ بندی کر رکھی ہے۔

خیبر روڈ پر کچھ آگے جائیں تو وہاں جوڈیشل کمپلیکس اور اس کے ساتھ پشاور ہائی کورٹ کی عمارت بھی موجود ہے، جبکہ اس کے سامنے کور کمانڈر ہاؤس اور (سابقہ پرل کانٹینینٹل) سرینا ہوٹل کی عمارت موجود ہے۔

peshawar

suicide attack

peshawar blast

Suicide Bomber

Peshawar police lines blast Jan 2023

Comments are closed on this story.

تبصرے

تبولا

Taboola ads will show in this div