Aaj News

جمعہ, مارچ 29, 2024  
19 Ramadan 1445  

فواد چوہدری کی عدم پیشی: آئی جی پنجاب اور اسلام آباد کو نوٹس جاری

لاہور ہائیکورٹ نے دونوں آئی جیز سے جواب طلب کرلیا
شائع 03 فروری 2023 01:16pm
فوٹو۔۔۔۔ ٹوئٹر
فوٹو۔۔۔۔ ٹوئٹر

پی ٹی آئی کے رہنما فواد چوہدری کو عدالت میں پیش نہ کرنے پر آئی جی پنجاب اور آئی جی اسلام آباد کے خلاف تویین عدالت کی درخواست پر سماعت کے دوران لاہور ہائیکورٹ نے دونوں آئی جیز کو نوٹس جاری کرتے ہوئے جواب طلب کرلیا-

لاہور ہائیکورٹ کے جسٹس طارق سلیم شیخ نے فواد چوہدری کو عدالت میں پیش نہ کرنے پر آئی جی پنجاب اور آئی جی اسلام آباد کے خلاف تویین عدالت کی درخواست پر سماعت کی۔

فواد چوہدری کے عزیز نبیل شہزاد کے وکیل اظہر صدیق ایڈووکیٹ نے دلائل دیتے ہوئے بتایا کہ فواد چوہدری کی غیر قانونی گرفتاری کے خلاف عدالت نے پولیس کو فواد چوہدری کو عدالت پیش کرنے کا حکم دیا، عدالتی حکم کے باوجود پولیس نےانہیں لاہور ہائیکورٹ پیش نہیں کیا،عدالتی حکم کی اطلاع بروقت پولیس افسروں کو موصول ہوئی۔

مزید پڑھیں: لاہور ہائیکورٹ: فواد چوبدری کیخلاف درج مقدمات کا ریکارڈ طلب

وکیل نے کہا کہ عدالتی حکم نظر انداز کرتے ہوئے فواد چوہدری کو لاہور شہر میں گھما کر بذریعہ موٹروے اسلام آباد لے جایا گیا، پولیس افسروں نے اپنے اختیارات کا ناجائز استعمال کیا جو قابل اعتراض بات ہے، آئی جی سمیت کوئی افسر یہ نہیں کہہ سکتا کہ وہ عدالتی حکم سے آگاہ نہیں۔

انہوں نے مزید کہا کہ پولیس افسروں نے جان بوجھ کر عدالتی حکم کو نظر انداز کیا اور توہین عدالت کے مرتکب ہوئے، پولیس افسروں نے عدالتی حکم پر عمل کی بجائے عدالتی نظام کا مذاق اڑایا۔

استدعا کی گئی کہ عدالت ذمہ افسروں کے خلاف توہین عدالت کی کارروائی کرتے ہوئے توہین عدالت کی سزا سنائے۔

جس پر عدالت نے آئی جی پنجاب اورآئی جی اسلام آباد کے خلاف تویین عدالت کی درخواست میں نوٹس جاری کرتے ہوئے جواب طلب کرلیا-

pti

IG Islamabad

Lahore High Court

IG Punjab

Fawad Chaudhary

Fawad Chaudhry arrested

Comments are closed on this story.

تبصرے

تبولا

Taboola ads will show in this div