Aaj News

منگل, مئ 21, 2024  
12 Dhul-Qadah 1445  

جیل بھرو تحریک: ’کیا خان صاحب ضمانت کی درخواستیں واپس لیں گے؟‘

'کیا پی ٹی آئی کے دیگر رہنما بھی جیل جائیں گے؟'
شائع 04 فروری 2023 06:05pm
تصویر بزریعہ اے ایف پی
تصویر بزریعہ اے ایف پی

وزیر اعظم کے معاون خصوصی عطاء اللہ تارڑ کا کہنا ہے کہ خان صاحب کو کسی نے شاید جیل بھرو تحریک کا مطلب غلط بتایا ہے۔

ٹوئٹر پر جاری اپنے پیغام میں عطاء اللہ تارڑ ایسی تحریک چلنے پر تمام زیرِ سماعت اور زیرِ التوا مقدمات میں ضمانت کی درخواستیں واپس لی جاتی ہیں۔

انہوں نے سوال کیا کہ کیا خان صاحب فارن فنڈنگ کیس، سائفر کیس اور توشہ خانہ کیس میں ضمانت کی درخواستیں واپس لیں گے؟

عطاء تارڑ نے مزید پوچھا کہ کیا پی ٹی آئی کے دیگر رہنما بھی جیل جائیں گے؟

پاکستان تحریک انصاف (پی ٹی آئی) کے چئیرمین عمران خان کا کہنا ہے کہ ورکرز اور قوم تیاری کرلے، ہم نے جیل بھرو تحریک شروع کرنی ہے۔

انہوں نے کہا کہ ورکرز اور قوم تیاری کرلے، ہم نے جیل بھرو تحریک شروع کرنی ہے، بجائے توڑ پھوڑ کریں ہم سارے جیل بھرو تحریک کی تیاری کریں۔ میں کال دوں گا، جیسے ہی سگنل دوں گا ہم گرفتاریاں دیں گے۔

imran khan

Ataullah Tarar

Jail Bharo Tehreek