Aaj News

جمعہ, مارچ 29, 2024  
19 Ramadan 1445  

شیخ رشید کی مری میں درج مقدمےمیں درخواست ضمانت منظور

مری کا مقدمہ جھوٹا اور بے بُنیاد ہے، وکیل شیخ رشید
اپ ڈیٹ 11 فروری 2023 03:02pm

عوامی مسلم لیگ کے سربراہ شیخ رشید کی مری میں درج مقدمے میں درخواست ضمانت منظور کرلی گئی ہے۔

جوڈیشل مجسٹریٹ مری محمد ذیشان نے محٖفوظ فیصلہ سناتے ہوئے شیخ رشید کو 50 ہزار کے مچلکے جمع کروانے کی ہدایت کی ہے۔

شیخ رشید کے وکیل سردارعبدالرازق اور ماجد نورعدالت میں پیش ہوئے، وکلاء نے دلائل میں مری میں درج مقدمے کوجھوٹا اور بے بُنیاد قراردیا۔

مجسٹریٹ محمد ذیشان نے دلائل سننے کے بعد فیصلہ محفوظ کیا تھا۔

اس سے قبل مری کی مقامی عدالت نے پولیس کی 3 روزہ جسمانی ریمانڈ کی استدعا مسترد کرتے ہوئے شیخ رشید کو جوڈیشل ریمانڈ پر پولیس کے حوالے کیا تھا۔

گزشتہ سماعت میں مری پولیس نے شیخ رشید کے 3 روزہ جسمانی ریمانڈ کی استدعا کی تھی جس پر شیخ رشید کے وکیل سردار عبدالرازق نے عدالت سے بے بُنیاد مقدمہ خارج کرنے کی استدعا کی تھی۔

مجسٹریٹ نے ریمانڈ کی استدعا مسترد کرتے ہوئے شیخ رشید کو جوڈیشنل ریمانڈ پرجھیل بھیج دیا تھا۔

sheikh Rasheed arrested

Comments are closed on this story.

تبصرے

تبولا

Taboola ads will show in this div