Aaj News

بدھ, جون 19, 2024  
12 Dhul-Hijjah 1445  

کراچی میں گرین لائن بس کو حادثہ

حادثے کے بعد مسافر شیشہ توڑ کرکھڑکیوں سے باہر نکلے، ریسکیو
اپ ڈیٹ 24 فروری 2023 11:07am
تصویر/ نمائندہ آج نیوز
تصویر/ نمائندہ آج نیوز
مسافر شیشہ توڑ کرکھڑکیوں سے باہر نکلے- تصویر/ نمائندہ آج نیوز
مسافر شیشہ توڑ کرکھڑکیوں سے باہر نکلے- تصویر/ نمائندہ آج نیوز
تصویر/ نمائندہ آج نیوز
تصویر/ نمائندہ آج نیوز

کراچی میں گرین لائن بس کو ناگن چورنگی کے قریب حادثہ پیش آیا، مسافربس جنگلے سے ٹکرا گئی جس کے باعث ڈرائیور اور خواتین سمیت متعدد افراد زخمی ہوگئے۔

حادثے میں گرین بس کا اگلا حصہ مکمل تباہ ہوگیا جبکہ متعدد مسافروں کو بس کی کھڑکیوں سے باہر نکالا گیا۔

حادثے کے بعد ٹریفک کی روانی کچھ دیر کیلئے متاثر ہوئی تھی۔

ذرائع کا کہنا ہے کے گرین لائن کے ٹریک پرخانہ بدوش بچہ آگیا تھا گرین لائن بس بچے کو بچاتے ہوئے جنگلہ توڑ کر فٹ پاتھ پر آگئی۔

اس حوالے سے گرین لائن کے آپریشن منیجر کا کہنا ہے کے حادثہ کی تحقیقات شروع کردی گئی ہے مسافر محفوظ رہے ڈرائیور کو شیشہ سے ٹکرانے کی وجہ سے گہری چوٹیں لگیں۔

مزید کہا کہ ٹریک کو کلیئر کرکے سروس بحال کردی گئی شہری انتظامیہ سے کئی مرتبہ غیر قانونی آبادی کو ٹریک سے دور کرنے کی اپیل کی گئی۔

آپریشن منیجرنے کہا کہ پہلے بھی بچوں کی آمد کی وجہ سے بس کو ایمرجنسی بریک لگانی پڑی خانہ بدوش جھگیوں کے بچوں کی ٹریک پر آمدورفت سروس کے لیے مسئلہ بن رہی ہے۔

karachi

Green Line Bus

Nagan Chowrangi