Aaj News

جمعہ, مارچ 29, 2024  
18 Ramadan 1445  

”عمران خان پر دوبارہ قاتلانہ حملے کا منصوبہ بنایا جا رہا ہے“

حملہ عدالت پیشی کے موقع پر کیا جا سکتا ہے، رہنما پی ٹی آئی
شائع 07 مارچ 2023 01:48pm

تحریک انصاف کے رہنما اسد عمر نے دعویٰ کیا ہے کہ عمران خان پر دوبارہ قاتلانہ حملے کا منصوبہ بنایا جارہا ہے۔

لاہور میں پریس کانفرنس کرتے ہوئے تحریک انصاف کے رہنما اسد عمر نے دعویٰ کرتے ہوئے کہا کہ چیئرمین پی ٹی آئی عمران خان کو ایک بار قتل کرنے کی کوشش کی جاچکی ہے اور ان پر دوبارہ قاتلانہ حملے کا منصوبہ بنایا جا رہا ہے۔

اسد عمر کا کہنا تھا کہ عمران خان کو کسی جج کے سامنے پیش ہونے پر اعتراض نہیں، لیکن اندر کی خبر ہے کہ عمران خان پر حملہ عدالت پیشی کے موقع پر کیا جا سکتا ہے۔

رہنما پی ٹی آئی نے کہا کہ روزانہ کی بنیاد پرعمران خان پر جھوٹے مقدمے قائم کیے جاتے ہیں، چیئرمین پی ٹی آئی کو کیسےقابو کیے جائے اسکے لیے بھی منظم مہم چلائی جارہی ہے، ان کو خواب میں بھی عمران خان ہی نظر آتا ہے۔

اسد عمر نے مزید کہا کہ شاہ محمود قریشی اور فواد چوہدری پر بھی پریس کانفرنس کرنے پر ایف آئی آر کاٹی گئیں، اب مجھ سمیت عمرایوب، عندلیب عباس پر پریس کانفرنس کرنے پر ایف آئی آر ہوسکتی ہے، یہ سب معاشی تباہی سے توجہ ہٹانے کی کوشش ہے۔

imran khan

Asad Umer

Politics March 07 2023

Comments are closed on this story.

تبصرے

تبولا

Taboola ads will show in this div