Aaj News

جمعرات, مارچ 28, 2024  
17 Ramadan 1445  

شہباز شریف اینڈ کمپنی نے ترقی کا سفر روک دیا، پرویز الٰہی

نااہل حکمران جو مرضی کر لیں الیکشن سے بھاگنے نہیں دیں گے، پرویز الٰہی
شائع 22 مارچ 2023 04:42pm

سابق وزیراعلیٰ پنجاب پرویزالہیٰ کا کہنا ہے کہ شہباز شریف اینڈ کمپنی نے ترقی کا سفر روک دیا، نااہل حکمران جو مرضی کر لیں الیکشن سے بھاگنے نہیں دیں گے۔

سابق صوبائی وزرا سے ملاقات کے موقع پر پی ٹی آئی کے رہنما پرویز الٰہی کا کہنا تھا کہ عمران خان کے دور میں ملک معاشی ترقی کر رہا تھا، لیکن شہباز شریف اینڈ کمپنی نے ترقی کا سفر روک دیا، پاکستان کو معاشی بحران سے نکالنے کا دعویٰ کرنے والوں نے آج تک کچھ نہیں کیا۔

پرویزالہیٰ کا کہنا تھا کہ نا اہل حکمرانوں کی غلط پالیسیوں کی وجہ سے پاکستان کی جگ ہنسائی ہو رہی ہے، آئی ایم ایف کے ترلے منتیں بھی کسی کام نہیں آرہے، عوام کو سحر اور افطار کے لالے پڑے ہوئے ہیں، مفت آٹے کے حصول کیلئے قیمتی جانیں ضائع ہو رہی ہی۔

سابق وزیراعلیٰ نے کہا کہ الیکشن مہم سے روکنے کیلئے پی ٹی آئی کارکنوں اور رہنماؤں کی گرفتاریاں کی جا رہی ہیں، تمام پابندیوں کے باوجود عمران خان کی مقبولیت عالمی میڈیا کی توجہ کا مرکز ہے۔

پرویز الٰہی نے مزید کہا کہ رانا ثنا ء اللہ اور مریم نواز عدلیہ اور ججز کے خلاف مہم چلا رہے ہیں، لیکن نااہل حکمران جو مرضی کر لیں عوام انہیں الیکشن سے بھاگنے نہیں دیں گے۔

pti

Chaudhry Pervaiz Elahi

punjab kpk election

Politics March 22 2023

Comments are closed on this story.

تبصرے

تبولا

Taboola ads will show in this div