Aaj News

ہفتہ, مئ 18, 2024  
09 Dhul-Qadah 1445  

ملک میں الیکشن کی تیاری ہے، حکومت فراری ہے، شیخ رشید

ساری قوم اس وقت سپریم کورٹ کے ساتھ کہڑی ہے، سربراہ عوامی مسلم لیگ
شائع 06 اپريل 2023 10:49am
سربراہ عوامی مسلم لیگ شیخ رشید - اسکرین گریب/ آج نیوز
سربراہ عوامی مسلم لیگ شیخ رشید - اسکرین گریب/ آج نیوز

سربراہ عوامی مسلم لیگ شیخ رشید نے کہا کہ حکومت کی بے وقوفیوں سےعمران خان مزید مقبول ہوگیا ہے ملک میں الیکشن کی تیاری ہے اور حکومت فراری ہے۔

اسلام آباد ہائیکورٹ کے باہر میڈیا سے گفتگو کرتے ہوئے انہوں نے کہا کہ اسمبلی قرارداد پاس کرنے جارہی ہےکل قومی اسمبلی میں صرف 5 ارکان بیٹھے تھے اور قومی اسمبلی بھی سپریم کورٹ کےماتحت ہے۔

انہوں نے کہا کہ تمام ادارےآئین وقانون کے تابع ہیں یہ الیکشن میں جانے،عوام کوشکل دینے کے قابل نہیں الیکشن کاشیڈول آگیا ہے، اگرہمت ہے تو 3 ججز کےخلاف ریفرنس لائیں جبکہ مریم نواز،بلاول بھٹوریفرنس لاناچاہتے ہیں۔

شیخ رشید نے کہا کہ ان کی پارٹی کےلوگ ریفرنس لانانہیں چاہتے پوری قوم سپریم کورٹ کے ساتھ کھڑی ہے اور ن لیگ کےعلاوہ کسی نےکاغذات جمع نہیں کرائے۔

انہوں نے مزید کہا کہ 13 میں سے10 پارٹیزکے پاس امیدوارہی نہیں ہیں، حکومت کی بے وقوفیوں سےعمران خان مزیدمقبول ہوگیا اورملک میں الیکشن کی تیاری ہے، حکومت فراری ہے۔

Sheikh Rasheed Ahmed

Politics April 06 2023