Aaj News

بدھ, اپريل 17, 2024  
08 Shawwal 1445  

عمران خان کی تقاریر پر پابندی، پیمرا اور دیگر فریقین کو نوٹس جاری

لاہور ہائیکورٹ نے فریقین سے جواب طلب کر لیا
شائع 10 اپريل 2023 11:31am

لاہور ہائیکورٹ نے پاکستان تحریک انصاف کے چیئرمین عمران خان کی تقاریر کی نشریات پر پابندی ختم کرنے کے عدالتی حکم پر عمل درآمد نہ کرنے کے معاملے پر پیمرا اور دیگر فریقین کو نوٹس جاری کرتے ہوئے جواب طلب کر لیا۔

لاہور ہائیکورٹ کے جسٹس شاہد کریم نے کیس کی سماعت کی، عمران خان کے وکیل احمد پنسوتہ نے دلائل دیتے ہوئے کہا کہ عمران خان کی تقاریر کی نشریات پر پابندی کے خلاف عدالت نے حکم امتناعی جاری کررکھا ہے۔

وکیل احمد پنسوتہ نے مزید کہا کہ عدالتی حکم کے باوجود عمران خان کی تقاریر کی نشریات پر عائد پابندی ختم نہیں کی گئی، عام انتخابات کا شیڈول آنے کے بعد انتخابی مہم شروع ہورہی ہے، پیمرا کا پابندی کا نوٹیفکیشن بلا جواز اور قانون سے ہٹ کر ہے۔

وکیل نے عدالت سے استدعا کی کہ عدالتی حکم کےمطابق عمران خان کی تقاریر کی نشریات بحال کرنے کا حکم دیاجائے۔

جس پر عدالت نے پیمرا اور دیگر فریقین کو نوٹس جاری کرتے ہوئے جواب طلب کرلیا۔

pti

imran khan

Lahore High Court

justice shahid kareem

speach ban

politics April 10 2023

Comments are closed on this story.

تبصرے

تبولا

Taboola ads will show in this div