گوجرہ پنسرہ روڈ پرٹرک اور وین میں تصادم کے نتیجے میں سات افراد جاں بحق اور 13 افراد زخمی ہوگئے۔

ٹوبہ ٹیک سنگھ میں گوجرہ پنسرہ روڈ پر ٹرک اور وین کے تصادم کے نتیجے میں 7 افراد جاں بحق اور خواتین سمیت 13 افراد زخمی ہوگئے۔

واقعے کی اطلاع ملتے ہی پولیس اور ریسکیو کی ٹیمیں جائے حادثہ پر پہنچ گئیں اور لاشوں اور زخمیوں کو اسپتال منتقل کردیا گیا۔

پولیس حکام کے مطابق حادثہ تیز رفتاری کی وجہ سے پیش آیا، حادثے میں وین میں ناکارہ سیلنڈر پھٹنے سے آگ بھڑک اٹھی، اور زیادہ تر ہلاکتیں وین میں آگ لگنے کے باعث ہوئیں۔