اسلام آباد: قومی اسمبلی نے انتخابات کے لئے 21 ارب روپے فنڈز دینے کی قرارداد ایک پھر مسترد کردی۔

الیکشن فندز سے متعلق قرارداد وفاقی وزیر قانون سینیٹر اعظم نذیر تارڑ نے ایوان میں پیش کی جسے اسمبلی نے مسترد کردی۔

اس ضمن میں وزیر دفاع خواجہ آصف نے کہا کہ ہمیں سپریم کورٹ کی 3 رکنی بینچ کا فیصلہ قبول نہیں، کوئی ادارہ پارلیمان کو ڈکٹیٹ کرنے کی کوشش نہ کرے۔

خیال رہے کہ وفاقی کابینہ نے انتخابات کے حوالے سے الیکشن کمیشن کو 21 ارب روپے کی وزارت خزانہ کی سمری ایک بار پھر پارلیمنٹ کو ریفر کرنے کی منظوری دی تھی۔

اس کے علاوہ گزشتہ روز قومی اجلاس سے خطاب میں وزیر خزانہ اسحاق ڈار کا کہنا تھا کہ عدالتی حکم اپنی جگہ لیکن انتخابات کے لئے الیکشن کمیشن کو فنڈز فراہم نہیں کرسکتے۔