امریکی ریاست کولوراڈو میں ایک شخص نے تیز رفتار گاڑی چلانے کے جرم میں گرفتاری سے بچنے کے لیے الزام اپنے کتے پر لگا دیا۔

برطانوی میڈیا کی ایک رپورٹ کے مطابق پولیس افسر کا کہنا تھا کہ انہوں نے تیز رفتاری پر روکے گئے شخص کو کتے سے سیٹ بدلتے ہوئے دیکھا جس کے بعد اس شخص نے پولیس سے اصرار کیا کہ گاڑی کے اسٹیئرنگ پر وہ نہیں بلکہ اس کا کتا موجود تھا۔

رپورٹ میں بتایا گیا کہ ملزم میں مبینہ طور پر نشے کی ظاہری علامات دیکھی گئیں، اس متعلق سوال پوچھے جانے پر ملزم نے فرار ہونے کی کوشش کی مگر وہ زیادہ دور نہیں جاسکا اور 18 میٹر یعنی 60 فٹ کے فاصلے پر جاکر اسے حراست میں لیا گیا۔

ملزم کو کولوراڈو کے سپرنگ فیلڈ نامی چھوٹے قضبے سے گرفتار کیا گیا جس کی آبادی تقریباً 1300 افراد ہے۔

اسپتال میں جانچ پڑتال کے بعد، ڈرائیور کو نشے میں دھت ہوکر گاڑی چلانے سمیت دیگر الزامات کے شبہ میں گرفتار کیا گیا۔