ہانیہ عامر کی شادی میں دولہا کے ساتھ بہت زیادہ کھل کر بات کرنے پر انٹرنیٹ ناراض ہوگیا۔

شادیوں کا سیزن واپس آ گیا ہے اور ہر کسی کی طرح شوبز کی مشہور شخصیات کو بھی شادی کی مختلف تقریبات میں دیکھا جا رہا ہے۔

لاہور میں ہونے والی ایک شادی کی تقریب میں زویار نعمان اعجاز اور ہانیہ عامر سمیت کئی سیلیبریٹیز نے شرکت کی، جبکہ شادی کی تقریب میں ہانیہ، زویار کے ساتھ ساتھ دانیال ظفر اور سہیل احمد بھی موجود تھے۔

ہانیہ شادی کے دونوں ایونٹس میں بہت خوبصورت لگ رہی تھیں اور انہوں نے سب کچھ اسٹائلش رکھا۔

ہانیہ عامرنےاس تقریب میں سب کے ساتھ تصویریں بھی بنوائیں۔ لیکن سوشل میڈیا صارفین اس بات سے خوش نہیں ہیں کہ دولہا ہانیہ کے ساتھ بہت کھل کر بات کر رہا ہے، جو اس کا دوست بھی ہوسکتا ہے، جبکہ اس کی دلہن وہاں موجود ہے اور اس کے ساتھ ہے۔

صارفین نے دولہا اور ہانیہ عامر پر سخت الفاظ میں کمنٹس کیے ہیں اور ان کی بے جا بے تکلفی کو تنقید کا نشانہ بنا یا ہے۔ ساتھ ہی دلہن سے اظہار ہمدردی کیا ہے۔