اداکار فیروز خان کی سابقہ ​​اہلیہ سیدہ علیزے کی طلاق کے بعد پہلی ماڈلنگ ویڈیو سوشل میڈیا پر وائرل ہوگئی ۔

انسٹاگرام پر علیزے نے اپنی پہلی ماڈلنگ ویڈیو شیئر کی جس میں انہوں نے“ سوئیزر“ برانڈ کے خوبصورت لمبے گاؤنز پہنے ہوئے جس میں وہ نہایت خوبصورت اور دلکش نظر آرہی ہیں۔ جس کے کیپشن میں انہوں نے لکھا کہ آپ جو ارد گرد دیکھتے ہیں وہ آپ کا عکس ہے۔

ویڈیو میں انہیں بالکنی میں کھڑے بڑے خوبصورت انداز میں پیچھے مڑتے اور چلتے ہوئے دیکھا جا سکتا ہے جس کے بعد انہیں ریت اور سمندر ساحل پر بھی اپنی ہی ایک دھن میں چلتے ہوئے دیکھا جا سکتاہے۔

اس ویڈیو کو سوشل میڈیا صارفین کی جانب سے پسند کیا جا رہا ہے۔

یاد رہے کہ لالی ووڈ سٹار فیروز خان اور علیزے نے ستمبر 2022 میں طلاق کی تصدیق کی تھی، دونوں نے 2018 میں شادی کی تھی اور ان کے 2بچے بھی ہیں۔دونوں کی طلاق کے بعد یہ علیزے کی پہلی ماڈلنگ ویڈیو ہے۔