سندھ ہائیکورٹ کا سکھر حیدرآباد موٹر وے کی فوری تعمیر کا حکم
سندھ ہائیکورٹ نے سکھر حیدرآباد موٹر وے کی فوری تعمیر کا حکم دے دیا، این ایچ اے کی جانب سے 30 جون تک کام شروع کرنے کی یقین دہانی کرادی گئی۔
سندھ ہائیکورٹ سکھر کے ڈبل بینچ نے درخواست گذار ایڈوکیٹ خان محمد سولنگی کی جانب سے سکھرحیدرآباد موٹروے کی تعمیر کا کام شروع نہ کرنے کے خلاف دائر درخواست کی سماعت کی۔
سماعت کے دوران این ایچ اے کے انجنیئر اور دیگر افسران نے پش ہوکر عدالت کو بتایا کہ سکھر حیدرآباد موٹروے کی تعمیر کے لیے سندھ حکومت اور ڈونرز نے فنڈز فراہم کردیے ہیں لیکن زمین کی خریداری کے معاملے میں نوشہرو فیروز میں ہونے والی کرپشن کی انکوائری چل رہی ہے۔
جس پرعدالت نے محکمہ این ایچ اے کو فوری طورپر سکھر حیدرآباد موٹروے کی تعمیر کا کام شروع کرنے کا حکم دے دیا۔
محکمہ این ایچ اے کے انجنیئر نے عدالت کو یقین دہانی کرائی کہ 30 جون تک موٹروے کی تعمیر کا کام شروع کردیا جائے گا جس کی یقین دہانی کے بعد عدالت نے سماعت 11 جون تک ملتوی کردی۔
karachi
construction
Sindh High Court
sukkur hyderabad moterway
ملکی معیشت میں بہتری کیلئے بڑے پیمانے پر اصلاحات کرنے جارہے ہیں، وزیراعظم
پاکستان تعلقات بہتر کرنے میں پہل کرئے تو بھارت منع نہیں کرئے گا، بھارت صحافی
سولر پینل پر ٹیکس لگانے کا مشورہ عمر شریف نے حکومت کو کیسے دیا ؟
عمران خان اتنا کہہ دیں کہ ہم سے رابطہ کریں ہم خود ان کے پاس چلے جائیں گے، رانا ثناء اللہ
اسحاق ڈار کے نائب وزیراعظم بننے پر تحریک انصاف نے کیا کہا؟
Comments are closed on this story.