پاکستان کی جانب سے جذبہ خیر سگالی کا سلسلہ جاری ہے، حکومت نے دوسرے مرحلے میں 200 بھارتی ماہی گیروں کو رہا کردیا جو واہگہ بارڈر کے راستے بھارت جائیں گے۔

مودی سرکاری کی ہٹ دھرمی کے باوجود پاکستان کی جانب سے جذبہ خیرسگالی کا سلسلہ برقرار ہے۔

مزید پڑھیں: پاکستان نے 198 بھارتی ماہی گیروں کو رہا کردیا

حکومت نے مزید 200 بھارتی ماہی گیروں کو آزاد کردیا، تمام ماہی گیروں کو ملیر جیل سے رہا کیا گیا۔

ماہی گیروں کو ٹرین کے ذریعے لاہور روانہ کردیا گیا، جہاں وہ واہگہ کے راستے بھارت جائیں گے۔

فیصل ایدھی کا کہنا ہے کہ بھارت کو بھی چاہیئے وہاں موجود پاکستانی قیدیوں کو رہا کریں۔

مزید پڑھیں: پاکستان کا مزید 200 بھارتی قیدی رہا کرنے کا فیصلہ

بھارتی ماہی گیروں نے رہائی پر خوشی کا اظہار کرتے ہوئے حکومت پاکستان کا شکریہ ادا کیا۔

رواں سال پاکستان میں قید 499 بھارتی ماہی گیروں اور ایک شہری کو رہا کیا گیا۔

قیدی ماہی گیروں کو رہا کرنے کا پہلا مرحلہ 3 مئی کو ہوا، جس میں 200 بھارتی ماہی گیروں سمیت ایک شہری بھی شامل تھا۔

بھارتی ماہی گیروں کو رہا کرنے کا دوسرا مرحلہ آج پورا ہوا جبکہ تیسرا مرحلہ 3 جولائی کو ہوگا۔