Aaj News

جمعہ, مارچ 29, 2024  
18 Ramadan 1445  

ظل شاہ قتل کیس، پی ٹی آئی سربراہ کی عبوری ضمانت میں 6 جون تک توسیع

لاہور ہائیکورٹ نے تفتیشی افسر کو گاڑی میں ہی بیان قلمبند کرنے کی اجازت دی
شائع 02 جون 2023 10:52am
فوٹو ــ فائل
فوٹو ــ فائل

لاہور ہائیکورٹ نے ظل شاہ قتل کیس میں چیئرمین تحریک انصاف کی عبوری ضمانت میں 6 جون تک توسیع کردی۔

ظل شاہ قتل کیس میں پی ٹی آئی سربراہ عبوری ضمانت میں توسیع کیلئے عدالت پہنچے۔ لاہور ہائیکورٹ نے تفتیشی افسر کو گاڑی میں ہی بیان قلمبند کرنے کی اجازت دی۔

وکیل پی ٹی آئی سربراہ کی استدعا پر عدالت نے تفتیشی افسر کو گاڑی میں ہی بیان لکھنے کی ہدایت کی۔ عدالت نے کہا کہ لکھا پڑھا جواب نہیں دیا جاسکتا، تفتیشی افسر نے سوالوں کو قلمبند بھی کرنا ہے، تفتیشی افسر کو تفتیش کیلئے آزادانہ رسائی دی جائے، عدالت نے وکلا کو بھی تفتیشی افسر کے ساتھ جانے سے منع کیا۔

لاہور ہائیکورٹ نے عدالتی کارروائی کے بعد ظل شاہ قتل کیس میں چیئرمین تحریک انصاف کی عبوری ضمانت میں 6 جون تک توسیع کردی۔ اس سے قبل عدالت نے سابق وزیراعظم کی آج تک عبوری ضمانت منظور کر رکھی تھی۔

Lahore High Court

zille shah murder case

9 May

Comments are closed on this story.

تبصرے

تبولا

Taboola ads will show in this div