وزیراعظم شہباز شریف کے معاون خصوصی عرفان قادر نے کہا کہ ملک میں الیکشن آئین میں مقررکردہ وقت کے مطابق ہوں گے۔

آج نیوز کے پروگرام “اسپاٹ لائٹ’’ میں پوچھے جانے والے سوال کہ خبریں گردش کر رہی ہیں کہ انتخابات وقت پرنہیں ہوں گے یا ایمرجنسی لگا مدت میں ایک سال کی توسیع کردی جائے گی۔

سوال کے جواب میں عرفان قادر کا کہنا ہے کہ اسمبلی اپنی مدت اگست میں پوری کرلے گی کی جس کے بعد نگراں حکومت بنے گی اورآئین کے مطابق جو بھی سازگار وقت ہوگا اس پرانتخابات ہوجائیں گے۔

پاکستان تحریک انصاف پر پابندی لگانے کے حوالے سے انہوں نے کہا کہ ایسی سیاسی جماعت جو بیرونی ایجنڈے پر ہو جس سے یہ تاثر پیدا ہو کہ اس س ملک کے قومی مفاد کو خطرہ لاحق ہوجائے تو ان واقعات کو دیکھ کر ان پر پابندی لگائی جاسکتی ہے۔

عرفان قادر نے کہا کہ ججز کی تعیناتی سوالیہ نشان بن گئی ہے جوڈیشل کمیشن کے تمام ارکان ایک ایک بندے کا نام دیں وجوہات بتا کر متفقہ فیصلہ کر کے تعیناتی کی جائے جبکہ الیکشن آئین میں مقررکردہ وقت کے مطابق ہوں گے۔