Aaj News

جمعرات, فروری 29, 2024  
18 Shaban 1445  

محکمہ صحت سندھ اور زراعت کے مالی سال 2023-24 کے بجٹ کی تفصیلات سامنے آگئیں

صوبے کا بجٹ 10 جون کو پیش کیا جائے گا
شائع 08 جون 2023 09:35pm

سندھ کے دو محکموں صحت اور زراعت کے مالی سال 2023-24 کا بجٹ سامنے آگیا۔

سندھ کے مالی سال 2023-24 کا بجٹ 10 جون کو پیش کیا جائے گا، صوبے کے بجٹ کا کل حجم تو تاحال سامنے نہیں آسکا، تاہم صوبے کے محکمہ صحت اور زراعت کے بجٹ کی تفصیلات سامنے آئی گئی ہیں۔

ذرائع کے مطابق محکمہ صحت سندھ نے 217 ترقیاتی منصوبوں کے لیے 20 ارب 15 کروڑ روپے کا بجٹ رکھنے کا فیصلہ کیا ہے، جس میں 7 ارب 8 کروڑ روپے کی لاگت سے 86 نئی سکیمیں بنانے کی سفارش کی گئی ہے، جب کہ 2 ارب 55 کروڑ روپے کی لاگت سے 12 ٹیچنگ ہسپتالوں کے منصوبے، 3 ارب 51 کروڑ روپے کی لاگت سے مختلف اسپتالوں کے لیے 69 نئے منصوبے تجویز کیے گئے ہیں۔

دوسری جانب محکمہ زراعت سندھ نے نئے مالی سال میں 7 ارب روپے کا ترقیاتی بجٹ رکھنے کا فیصلہ کیا ہے۔

ذرائع کا کہنا ہے کہ زراعت کی توسیع کے 11 منصوبوں کے لیے 44 کروڑ 31 لاکھ روپے تجویز کیے گئے ہیں، جن میں سے 24 کروڑ روپے کی 4 نئی اسکیمیں بھی شامل ہیں۔

Sindh budget

budget 2023 24

Comments are closed on this story.

تبصرے

تبولا

Taboola ads will show in this div