امریکا اور چین کے وزرائے خارجہ نے باہمی رابطوں کے ذرائع وسیع کرنے پر اتفاق کیا ہے۔ امریکی وزیرخارجہ انٹونی بلنکن کی آج چینی صدر شی جن پنگ سے ملاقات متوقع ہے۔

امریکی وزیرخارجہ انٹونی بلنکن دو روزہ چین کے دورے پر بیجنگ میں موجود ہیں، گزشتہ روز انہوں نے اپنے چینی ہم منصب سے پانچ گھنٹے طویل ملاقات کی، جس میں باہمی دلچسپی کے امور پر تبادلہ خیال کیا گیا۔

امریکی محکمہ خارجہ کے مطابق انٹونی بلنکن کی چینی وزیرخارجہ سے ملاقات میں واضح، ٹھوس اور معیاری گفتگو ہوئی۔ وزرائے خارجہ نے رابطوں کے ذرائع وسیع کرنے اور عالمی مسائل پر بھی گفتگو کی، چینی وزیر خارجہ نے مناسب وقت پر دورہ امریکا کی حامی بھرلی۔

انٹونی بلنکن کی آج چینی صدر شی جن پنگ سے بھی ملاقات متوقع ہے، چین کے اعلیٰ عہدیدار وانگ ای سے بھی ملیں گے، امریکی وزیر خارجہ پانچ سال بعد چین کے سرکاری دورے پر ہفتے کو بیجنگ پہنچے تھے۔