کراچی میں اب صرف گاڑی یا بائیک نہیں بلکہ قربانی کے جانوروں کی بھی سروس شروع کردی گئی۔

لیاقت آباد میں ایک ایسا سروس اسٹیشن موجود ہے جہاں پچھلے دس سالوں میں عیدالاضحیٰ کے جانوروں کی سروس کا کام انجام دیا جاتا ہے۔

سروس اسٹیشن میں جانور کو پورے اہتمام کے ساتھ نہلایا جاتا ہے، سروس سینٹر کے انچارج صغیر شیخ کا دعویٰ ہے کہ کراچی میں اس انوکھی سروس کی روایت انھوں نے ڈالی ہے، ان کے بعد دیگر افراد نے بھی جانوروں کی سروس کا کام شروع کردیا ہے۔

صغیر شیخ کا کہنا ہے کہ میں 70 گائے روز نہلاتا ہوں، گائے کی سروس کے 200 روپے اور بکرے کے چارجز 150 روپے ہیں۔

سروس سینٹر پر جانوروں کو نہلانے کیلئے آنے والے شہریوں کا کہنا ہے کہ جانور کو شوق سے پالتے ہیں تو پھر اسکی دیکھ بھال میں کمی کیسے آنے دیں۔

شہر قائد میں مختلف مقامات پر گائے اور بکرا سروس عیدالاضحیٰ کے مخصوص دنوں میں ہی کی جاتی ہے۔