اقوام متحدہ نے اسرائیل کی جانب سے فلسطینی پناہ گزینوں کے خلاف مہلک طاقت (جدید ہتھیار) کے استعمال کی شدید مذمت کردی ہے۔

اسرائیلی فورسز نے پیر کے روز جنین پناہ گزین کیمپ پر دھاوا بول کر دو مشتبہ افراد کو گرفتار کیا تھا۔ اقوام متحدہ کے انسانی حقوق کے سربراہ نے کیمپ پر حملے میں اسرائیل کی جانب سے مہلک طاقت کے استعمال کی مذمت کی ہے۔

انھوں نے کہا کہ حملے میں بچوں سمیت کم از کم سات فلسطینی جاں بحق ہوئے تھے۔ ایسی صورتحال میں مقبوضہ مغربی کنارے میں تشدد کے بے قابو ہونے کا خطرہ ہے۔

یاد رہے کہ اسرائیلی فورسز نے پیر کے روز مقبوضہ مغربی کنارے میں جنین پناہ گزین کیمپ پر دھاوا بول کر دو مشتبہ افراد کو گرفتار کیا جبکہ ہیلی کاپٹر گن شپ کا استعمال بھی کیا گیا، جس سے کیمپ تباہ ہوگیا۔ اسرائیلی حملے میں سات افراد کے جاں بحق ہونے کے ساتھ 91 افراد زخمی بھی ہوئے۔