عیدالاضحیٰ کے پہلی ہی دن کراچی میں کئی مقامات سے آلائشیں اٹھانے میں تاخیر پیش آگئی۔ شاہ فیصل کالونی، عزیز آباد، لیاری، لیاقت آباد، ناظم آباد پیٹرول پمپ، لیاقت آباد ڈاکخانہ پر سڑکوں پر آلائشیں موجود ہیں۔

دوسری جانب میئرکراچی مرتضیٰ وہاب نے ڈپٹی میئر اور سالڈ ویسٹ ٹیم کے ساتھ صدر اور ملحقہ علاقوں کا دورہ کیا اور کہا کہ ان ایریاز میں آلائشیں اٹھانے کا کام جاری ہے۔

ضلع جنوبی کے دورے کے بعد میئر کراچی ضلع کورنگی پہنچ گئے اور وہاں بھی آلائشیں اُٹھانے کے کام کا جائزہ لیا۔

انہوں نے کہا کہ بلدیاتی عملہ آلائشیں اُٹھانے کا کام جاری رکھے ہوئے ہے، کسی شہری کو کوئی شکایت ہو تو 1128 پر درج کروائیں۔

میئر کراچی نے کہا کہ بلدیاتی عملہ کلیکشن پوائنٹس پر چونے کا چھڑکاؤ بھی کر رہا ہے۔

انہوں نے دعویٰ کیا کہ اب تک شہر میں اچھے طریقے سے آلائشیں اُٹھائی جارہی ہیں، شہریوں کی شکایات کا بھی فوری ازالہ کیا جارہا ہے۔