آئی جی سندھ غلام نبی میمن کے کندھ کوٹ میں امن وامان سے متعلق اجلاس کی صدارت کے باوجود اطلاعات ہیں کہ ڈاکوؤں نے شہر کی سڑکوں پر گشت کیا۔

سندھ میں قیام امن کے لئے پولیس کی کوششیں جاری ہیں۔ اس حوالے سے آئی جی سندھ نے کندھ کوٹ کا دورہ کرکے امن وامان سے متعلق اجلاس کی صدارت کی۔ جس میں امن و امان سے متعلق مختلف امور کا جائزہ لیا گیا۔

دوسری جانب کچے کے ڈاکوؤں کی کندھ کوٹ شہر میں گشت کی ویڈیو وائرل ہوئی ہے، جاگیرانی اور سبزوئی گینگ کے ڈاکوؤں کی وائر ویڈیو میں ڈاکوؤں کو کھلے عام اسلحہ لہراتے اور وکٹری کا نشان بناتے دیکھا جاسکتا ہے۔

یاد رہے کہ وائر ویڈیو نئی ہے یا پرانی اس حوالے سے تصدیق نہیں ہوسکی تاہم کہا جارہا ہے کہ ڈاکوؤں نے کندھ کوٹ شہر میں کھلے عام گشت کیا۔ سندھ کے عوام کچے کے ڈاکوؤں سے پریشان ہیں۔ کچےمیں ایک ماہ کے دوران 42 افراد کو اغوا کیا جاچکا ہے۔