بلدیہ عظمٰی کراچی نے سندھ کے معروف صوفی بزرگ عبداللہ شاہ غازی (رض) کے عرس کے موقع پرعام تعطیل کا اعلان کردیا۔

کے ایم سی کی جانب سے جاری کردہ نوٹی فیکیشن کے مطابق رواں برس ذی الحج کی 22 ویں تاریخ 11 جولائی بروز منگل کو حضرت عبداللہ شاہ غازی (رض) کے سالانہ عرس کے موقع پرعام تعطیل اعلان کیا گیا ہے۔

نوٹی فیکیشن میں بتایا کہ بلدیہ عظمٰی کراچی کے دائرہ اختیار میں آنے والے تمام دفاتر بند رہیں گے سوائے ان دفاتر کے جو ضروری خدمات انجام دیتے ہیں۔