امریکی ریاست کیلیفورنیا میں چھوٹا طیارہ گر کرتباہ ہوگیا جس کے نتیجے میں چھ افراد ہلاک ہوگئے۔

امریکی حکام کے مطابق طیارہ فرانسیسی ویلی ایئر پورٹ کے قریب حادثے کا شکار ہوا، طیارے کو آگ لگنے سے ہلاک ہونے والے افراد کی شناخت نہ ہوسکی۔

طیارہ گرنے کے بعد ریسکیو ٹیمیں اور پولیس موقع پر پہنچی تاہم ان کے پہنچنے سے پہلے ہی تمام افراد ہلاک ہوچکے تھے۔ حادثے کا شکار ہونے والا بدقسمت کمرشل طیارہ لاس ویگاس سے جنوبی کیلیفورنیا جارہا تھا۔

نیشنل ٹرانسپورٹیشن سیفٹی بورڈ کے مطابق سیسنا سی 550 بزنس جیٹ لاس ویگاس کے ہیری ریڈ انٹرنیشنل ایئرپورٹ سے مقامی وقت کے مطابق 3 بج کر 15 منٹ پر روانہ ہوا جبکہ حادثہ ریور سائیڈ کاؤنٹی کے موریٹا میں صبح 4 بج کر 15 منٹ پر پیش آیا۔