کراچی کے علاقے گلستان جوہر میں لڑکی کے ساتھ پیش آنے والے نازیبا واقعے سے متعلق تحقیقات میں پولیس 15 روز بعد بھی ملوث ملزم کا سراغ نہ لگاسکی۔

جائے وقوعہ کے اطراف لگے 100 سے زائد سی سی ٹی وی فوٹیجز بھی کام نہ آسکیں، آس پاس کے گلی محلوں اور گھروں میں کام کرنے والے 250 سے زائد افراد کے بیانات بھی قلمبند کیے گئے، ملزم کا خاکہ بھی بنوایا لیکن پولیس ملزم کو پکڑنے میں ناکام رہی۔

خاکے سے ملتے جلتے کئی افراد کو پکڑ کر تحقیقات کی گئیں لیکن کوئی نتیجہ نہ نکلا، روزانہ کی بنیاد پر متعدد افراد کو تفتیش کے نام پر تھانے بلوایا جاتا رہا۔

لیکن واقعے میں ملوث اصل ملزم اب تک قانون کی گرفت میں نہیں آسکا۔

پولیس نے سرکاری مدعیت میں مقدمہ درج کرکے تحقیقات کا آغاز کیا تھا، اعلیی سطح کی تحقیقاتی کمیٹی بھی قائم کی گئی، تاہم کوئی ٹھوس پیش رفت نہیں ہوسکی۔

لڑکی کے ساتھ نازیبا حرکت کا واقعہ 3 جولائی کو گلستان جوہر میں پیش آیا تھا۔