Aaj News

اتوار, اپريل 14, 2024  
05 Shawwal 1445  

اینڈرائیڈ فونز سے اب مفت سیٹلائٹ ایس ایم ایس کیے جاسکیں گے

وائی فائی کی ضرورت نہ سیلولر نیٹورک کی، گوگل کا بڑا اعلان
شائع 24 جولائ 2023 12:20pm

ایپل نے اپنے نئے آئی فونز میں سیٹلائٹ میسجنگ سروس متعارف کرائی ہے جس کے زریعے آپ وائی فائی یا سیلولر نیٹورک نہ ہونے کے باوجود ہنگامی صورتحال میں مدد کیلئے ”SOS“ الرٹس بھیج سکتے ہیں، جس کی دیکھا دیکھی اب سام سنگ بھی جلد ہی اپنے سیٹلائٹ میسجنگ سلوشن کی نقاب کشائی کرنے والا ہے۔

تاہم، گوگل کا پلان کچھ اور ہی ہے جس کے مکمل ہونے پر ہر کوئی اس نئی خصوصیت سے فائدہ اٹھا پائے گا۔

سرچ انجن کمپنی ”گوگل“ اینڈرائیڈ 14 پر چلنے والے تمام فونز کے لیے سیٹلائٹ ایس ایم ایس سپورٹ جاری کرنے کا منصوبہ بنا رہی ہے، بشرطیکہ آپ کا ہارڈ ویئر اسے سپورٹ کرتا ہو۔

ریلیز کے بعد شروعات میں یہ فیچر دوسرے اینڈرائیڈ فونز کے لیے دستیاب ہونے سے پہلے سام سنگ اور پکسل فونز پر دیا جائے گا۔

سام سنگ کے گلیکسی ایس 22 الٹرا نے کچھ عرصہ پہلے ہی سیٹلائٹ کالنگ کا تجربہ کیا تھا، اس لیے یہ پیشرفت حیران کن نہیں ہے۔

اینڈرائیڈ 14 کے سیٹلائٹ میسجنگ کی حد ابھی تک واضح نہیں ہے۔

یہ بات بھی قابل ذکر ہے کہ تمام اینڈرائیڈ فونز مختلف طریقے سے بنائے گئے ہیں، اس لیے اس بات کا زیادہ امکان ہے کہ کچھ OEMs اینڈرائیڈ کا جدید ترین ورژن ہونے کے باوجود سیٹلائٹ میسجنگ بالکل بھی متعارف نہ کرائیں۔

اینڈرائیڈ 14 کی آفیشل ریلیز اب زیادہ دور نہیں ہے۔

ہمیشہ کی طرح، یہ گوگل کے نیکسٹ جنریشن پکسل فونز کے ساتھ ڈیبیو کرنے جا رہا ہے، جو اس سال اکتوبر میں لانچ ہونے کی امید ہے۔

اور گوگل پکسل 8 فونز کی بات کریں تو ان میں کمپنی کے کسٹم ٹینسر جی 3 چپ سیٹ شامل کیے جانے کی افواہیں ہیں، جو اس بار سام سنگ کے بجائے TSMC فراہم کرے گا۔

google

Samsung

Android 14

Pixel Phones

Satellite SMS

Pixel 8

Comments are closed on this story.

تبصرے

تبولا

Taboola ads will show in this div