قومی احتساب بیورو (نیب) راولپنڈی نے ماہانہ بنیاد پر کھلی کچہری لگانے کا فیصلہ کرلیا۔

نیب کے مطابق ہر مہینے کی پہلی جمعرات کو نیب راولپنڈی دفتر میں کھلی کچہری کا انعقاد ہوگا۔

نیب کا کہنا ہے کہ سائلین اپنی جائز اور قانونی شکایات درج کروانے کے لیے دستاویزات کے ہمراہ آئیں، ڈی جی نیب شکایات کی شنوائی کے لیے خود موجود ہوں گے۔

نیب کے مطابق پہلی کھلی کچہری 3 اگست کو دوپہر 2 سے 4 بجے تک نیب میلوڈی دفترمیں ہوگی۔