خیبر پختونخواہ میں 95 سالہ بزرگ کے سر پرسہرا سجنے کی خبرکے بعد بالا کوٹ کے 85 سالہ بزرگ نے بھی زندگی کی نئی اننگ کا آغاز کردیا۔

بالاکوٹ کے رہائشی 85 سالہ بزرگ چن سفید شاہ 43 سالہ خاتون سے شادی کی ہے جو عمرمیں ان سے 42 سال چھوٹی ہیں۔

چن سفید شاہ کی یہ پہلی شادی نہیں لیکن 100 سے زائد پوتے ، پوتیوں ، نواسے نواسیوں اور پڑپوتوں کے دادا پردادا بزرگ کا کہنا ہے کہ وہ اب بھی صحت مند اور اولاد کے خواہشمند ہیں۔

نمائندہ آج نیوز سے بات کرتے ہوئے چن سفید شاہ کا کہنا تھا کہ ان کے والد کی دوسری شادی بھی 90 سال کی عمر میں ہوئی تھی۔

بزرگ کے مطابق اس عمر میں ان کی دوسری شادی ان کے بیٹوں نے کروائی ہے۔