مردان کے نواحی علاقہ رشید آباد مایار میں مکان کے فروخت کے تنازع پر گولیاں چل گئیں، واقعہ میں ماں اور تین بیٹوں سمیت 4 افراد جاں بحق ہوگئے، جبکہ ملزم فرار ہوگیا۔

پانچ مرلے کے مکان کی فروخت کے دوران مالک مکان اور پڑوسیوں کے درمیان زبانی تکرار سے شروع ہونے والی لڑائی خونی تصادم میں تبدیل ہوگئی۔

پولیس کے مطابق ملزم فواد نے پڑوسی کے گھر کے اندر گھس کر اندھا دھند فائرنگ کی۔

یہ بھی پڑھیں :

پشاور میں صحافی کے گھر پر فائرنگ، بیٹا جاں بحق، بھائی زخمی

پشاور میں دہشت گردوں کی فائرنگ سے 2 پولیس اہلکار شہید

فائرنگ کے نتیجے میں مالک مکان کی زوجہ رحیم گل اور اس کے تین جوان بیٹے عثمان، نعمان اور عرفان جان کی بازی ہار گئے۔

واقع کی اطلاع ملنے پر پولیس کی بھاری نفری موقع پر پہنچی اور ریسکیو کی ٹیموں نے لاشوں کو ایم ایم سی اسپتال مردان منتقل کیا۔

پولیس نے جائے وقوعہ سے شواہد اکٹھے کرکے تحقیقات شروع کردی ہیں۔