اینٹی کرپشن لاہور کی عدالت نے سابق وزیراعلیٰ پنجاب پرویز الٰہی کے صاحبزادے راسخ الٰہی سمیت دیگر ملزمان کی عبوری ضمانتیں منظور کرلیں۔

اینٹی کرپشن لاہور کی خصوصی عدالت لاہور جج علی رضا اعوان نے پرویز الٰہی کے اہل خانہ کی عبوری ضمانتوں کی درخواست پر سماعت کی۔

عدالت نے راسخ الٰہی، قیصرہ الٰہی اور زاہرا الٰہی کی عبوری ضمانتیں 9 اکتوبر تک 50، 50 ہزار روپے کے عوض منظور کرلی اور انہیں ضمانتی مچلکے جمع کرانے اور کیس میں شامل تفتیش ہونے کی ہدایت کردی۔

عدالت نے اینٹی کرپشن سے تفتیشی رپورٹ بھی طلب کرتے ہوئے سماعت آئندہ ہفتے تک کے لئے ملتوی کردی۔