کرکٹ ورلڈ کپ میں شرکت کے لئے پاکستانی کھلاڑی اور آفیشلز ویزوں کے منتظر ہیں، لیکن بھارتی ہائی کمیشن نے پاکستانی اسکواڈ کو تاحال ویزے جاری نہیں کئے۔

کرکٹ ورلڈ کپ کا میگا ایونٹ شروع ہونے میں ابھی چند ہی دن باقی رہ گئے ہیں، لیکن بھارت کی ہٹ دھرمی ابھی بھی برقرار ہے۔

بھارت کا کھیل میں سیاست کا سلسلہ جاری ہے، اور ابھی تک بھارتی ہائی کمیشن نے پاکستانی اسکواڈ کو ویزے جاری نہیں کئے۔

ورلڈ کپ میں شرکت کے لئے پاکستانی کھلاڑی اور آفیشلز ویزوں کے منتظر ہیں، لیکن بھارت نے ویزے سیکیورٹی کلیئرنس سے مشروط کر دیئے ہیں۔

مزید پڑھیں: کرکٹ ورلڈ کپ میں کیش ایوارڈز کا اعلان، ٹیموں پر ڈالرز کی بارش ہوگی

پاکستانی اسکواڈ نے 25 ستمبرکو بھارت روانہ ہونا ہے، اور قومی ٹیم نے ایونٹ شروع ہونے سے قبل نیوزی لینڈ اور آسٹریلیا کے خلاف وارم اپ میچزبھی کھیلنے ہیں۔