کینیڈا کے پارک میں جھولے میں خرابی کے باعث شہری 30 منٹ تک الٹا پھنسے رہے، متاثرین کی چیخیں دور تک سنی گئیں۔

کینیڈا کے پارک میں شہری گئے تو تفریح کیلئے تھے لیکن کچھ افراد اس وقت مشکل میں پھنس گئے جب ان کا جھولا فنی خرابی کی وجہ سے رائیڈ کے دوران اچانک الٹ گیا اور اس میں سوار افراد الٹا پھنسے رہے۔

پارک انتظامیہ نے 30 منٹ کی انتھک کوششوں سے جھولے میں الٹا پھنسے افراد کو باحفاظت نیچے اتارا۔

جھولے سے نکلنے کے بعد متاثرہ افراد حواس باختہ دکھائی دیے اور آدھا گھنٹہ الٹا پھنسے رہنے کو زندگی کا تکلیف دہ تجربہ قرار دیا۔

واضح رہے کہ اونٹاریو کے ونڈر لینڈ تفریحی پارک سے جاری ہونے والے ایک بیان میں اس بات کی تصدیق کی گئی ہے کہ یہ واقعہ ہفتے کی رات 10 بج کر 40 منٹ پر پیش آیا۔

یہ بھی پڑھیں :

کراچی میں جدید ترین ڈائنو سار پارک کا افتتاح

کراچی چڑیا گھر کو واقعی بند کردینا چاہیے

منتظمین نے مزید بتایا کہ ان کی لمبر جیک سواری ’مہمانوں کے ساتھ الٹ گئی تھی۔‘ تقریبا آدھے گھنٹے کے بعد، سواریوں کو بحفاظت نیچے لایا گیا۔