ڈائریکٹر کرکٹ ٹیم مکی آرتھر نے انگلینڈ سے کاؤنٹی کرکٹ میں اپنی مصروفیات ختم کرکے حیدرآباد میں قومی ٹیم کو جوائن کرلیا ہے۔

ترجمان پاکستان ٹیم نے بتایا کہ قومی ٹیم کے ڈائریکٹر مکی آرتھر نے حیدرآباد میں کھلاڑیوں کو جوائن کرلیا ہے، وہ انگلینڈ سے کاؤنٹی کرکٹ میں اپنی مصروفیات کے اختتام پر بھارت پہنچے ہیں۔


ترجمان کے مطابق پاکستان کا دوسرا وارم اپ میچ 3 اکتوبر کو آسٹریلیا کے خلاف شیڈولڈ ہے، جس کے لئے قومی اسکواڈ آج دوپہر دو سے شام پانچ بجے تک مکی آرتھر کی زیرنگرانی ٹریننگ سیشن کرے گا، یہ پریکٹس سیشن راجیو گاندھی انٹرنیشنل کرکٹ اسٹیڈیم میں ہوگا۔

ترجمان نے بتایا کہ مکی آرتھر ایشیا کپ میں چند میچز کے لیے قومی ٹیم کے ساتھ تھے، تاہم وہ اب کرکٹ ورلڈ کپ کے پورے ایونٹ میں پاکستان ٹیم کے ساتھ موجود رہیں گے۔