شیخ شہزاد ٹاؤن میں سفاک شوہر نے شادی کی پہلی رات نئی نویلی دلہن کو فاٸرنگ کرکے قتل کردیا اور سسر کو فون کرکے بتایا کہ آپ کی بیٹی کو قتل کردیا ہے۔

مردان کے علاقے چارسدہ روڈ پر واقع شیخ شہزاد ٹاون میں شہریار نامی شوہر نے شادی کی پہلی رات نئی نویلی دلہن کو فاٸرنگ کرکے قتل کردیا۔

پولیس رپورٹ کے مطابق مقتولہ کے والد جمال شاہ نے پولیس کو رپورٹ درج کراتے ہوٸے بتایا کہ اس کے داماد شہریار نے نادیہ کو قتل کرنے کے بعد فون پر اطلاع دی کہ میں نے آپ کی بیٹی کو قتل کردیا ہے اور لاش کمرے میں پڑی ہے۔

والد نے بتایا کہ میں نے اسی وقت ریسکیو 1122 کو فون کرکے اپنے داماد کا پتہ بتایا اور واقعے سے آگاہ کیا، جس پر ریسکیو نے لاش کو پوسٹ مارٹم کیلٸے ڈسٹرکٹ ہیڈ کواٹر اسپتال منتقل کردیا۔

مزید پڑھیں:

کراچی کی دہلی کالونی میں خاتون کا قتل، پولیس کے متضاد بیانات

سگی بہن نے کرائے کے قاتلوں سے بھائی مروا دیا

دوسری بیوی کے مبینہ قتل پر شوہر پہلی بیوی اور سالی سمیت گرفتار

پولیس حکام کا کہنا ہے کہ مقتولہ نادیہ کے والد کی مدعیت میں ملزم شہر یار کے خلاف مقدمہ درج کرکے تفتیش شروع کردی ہے، تاہم ملزم فرار ہے۔