پاکستان میں غیر قانونی مقیم افغان باشندوں کے خلاف ایکشن تیز ہوچکا ہے، اسلام آباد میں ضلعی انتظامیہ اور سی ڈی اے انفورسمنٹ ونگ نے مشترکہ کارروائی کرتے ہوئے آئی 12 ٹو میں غیرقانونی افغان بستی مسمار کردی۔

آپریشن سی ڈی اے انفورسمنٹ ونگ کے ڈی جی شاہ جہان کی زیرنگرانی عمل میں لایا گیا۔

ڈی جی انفورسمنٹ کے مطابق آپریشن میں سی ڈی اے کی اسلام آباد پولیس اور ضلعی انتظامیہ کی جانب سے مکمل معاونت کی گئی۔

مزید پڑھیں: اسلام آباد میں 24 سالہ افغان لڑکی نے خودکشی کیوں کی

زمین واگزارکروانے کے لیے آپریشن میں ہیوی مشینری سے غیرقانونی تعمیر شدہ گھروں اور دکانوں کو مسمار کیا گیا۔

عرصہ دراز سے افغان باشندوں نے آئی 12 ٹو میں غیر قانونی بستی قائم کر رکھی تھی۔