Aaj News

اتوار, مئ 19, 2024  
10 Dhul-Qadah 1445  

پیٹرولیم مصنوعات کی قیمتوں میں ردوبدل آج ہوگا، 30 روپے تک کمی کا امکان

امکان کی وجہ عالمی مارکیٹ میں تیل کی قیمتوں میں نمایاں کمی اور روپے کی قدر میں اضافہ ہے
شائع 15 اکتوبر 2023 12:23pm
علامتی تصویر
علامتی تصویر

پیٹرولیم مصنوعات کی قیمتوں میں آج رات ردوبدل کیا جائے گا، اور عالمی مارکیٹ میں تیل کی قیمتوں میں کمی اور روپے کی قدر میں اضافے کی وجہ سے آج پیٹرول اور ڈیزل کی قیمتوں میں خاطرخواہ کمی کا امکان ہے۔

آج رات پیٹرولیم مصنوعات کی قیمتوں میں تبدیلی کی جائے گی، اور امکان ظاہر کیا جارہا ہے کہ پیٹرول اور ڈیزل پر عوام کو بڑا ریلیف مل سکتا ہے، جس کی بڑی وجہ عالمی مارکیٹ میں خام تیل کی قیمتوں میں کمی اور امریکی ڈالر کی پاکستانی روپے کے مقابلے میں مسلسل تنزلی بتائی جارہی ہے۔

آنے والے جائزے میں ہائی اسپیڈ ڈیزل کی قیمت میں 20 جبکہ پٹرول کی قیمت میں 38 روپے فی لیٹرتک کمی کا امکان ہے، ایسا ہوا تو یہ اب تک ایندھن کی قیمتوں میں ہونے والی سب سے بڑی کمی ہوگی۔ ایسا ہوا تو یہ مسلسل دوسرا موقع ہوگا جب نگراں حکومت یٹرولیم مصنوعات کی قیمتوں میں کمی کر رہی ہے۔

دوسری جانب یہ امکان بھی ہے کہ نگراں حکومت اس کے برعکس فیصلہ کرے، خصوصاً ہائی اسپیڈ ڈیزل سے متعلق جو فی الوقت پیٹرول پر 60 روپے کے مقابلے میں 50 روپے فی لیٹر پیٹرولیم ڈیولپمنٹ لیوی عائد کرتا ہے۔

مزید پڑھیں: پیٹرول کی قیمت 300 روپے سے نیچے آنے کا امکان

حکومت رواں مالی سال کے بجٹ ہدف اور بین آئی ایم ایف کے ساتھ وعدوں کے تحت پیٹرولیم مصنوعات پر تقریبا 869 ارب روپے کی لیوی وصول کرنے کا ارادہ رکھتی ہے۔

petrol price

petroleum prices