مشیر خصوصی انسانی حقوق مشعال ملک نے کہا کہ نہتے فلسطینیوں کی نسل کشی کی جارہی ہے، اقوام عالم اسرائیل پر پابندی عائد کرے۔

اسلام آباد میں میڈیا سے گفتگو کرتے ہوئے مشعال ملک نے کہا کہ غزہ میں قیامت برپا ہے، ہرشخص خون کے آنسو بہا رہا ہے، غزہ میں فلسطینیوں کو اسرائیل نے یرغمال بنایا ہوا ہے۔

مشعال ملک نے کہا کہ رہائشی عمارتوں، اسپتالوں کوبمباری سے تباہ کردیا گیا، اقوام عالم اسرائیل پرپابندی عائد کرے، نہتے فلسطینیوں کی نسل کشی کی جارہی ہے، معصوم اور شیرخوار بچوں کو بھی نشانہ بنایا جارہا ہے۔