سعودی ایوی ایشن گاکا نے جج 2024 کی پروازوں سے متعلق شیڈول جاری کردیا، جس کے مطابق حج آپریشن سے متعلق درخواستیں یکم جنوری 2024 تک جمع کرائی جاسکتی ہیں۔

سعودی عرب نے حج 2024 کے لئے فلائٹ آپریشن کے لئے حکمت عملی مرتب کرلی ہے، اور سعودی ایوی ایشن ’گاکا‘ نے جج پروازوں سے متعلق شیڈول بھی جاری کردیا ہے۔

سعودی ایوی ایشن کے مطابق حج آپریشن سے متعلق درخواستیں یکم جنوری 2024 تک جمع کرائی جاسکتی ہیں۔

ایوی ایشن کے مطابق قبل از حج پروازوں کاآغاز 9 مئی 2024 سے ہوگا، اور جج پروازوں کی سعودی عرب آمد کا سلسلہ 10جون تک جاری رہے گا۔

گاکا نوٹیفکیشن کے مطابق حجاج اکرام کی سعودی عرب سے واپسی کاعمل 20 جون 2024 سے شروع ہوگا، اور آخری حج پرواز21 جولائی 2024 کو روانہ ہوگی۔