قومی کرکٹ ٹیم ورلڈ کپ 2023 کے گروپ اسٹیج مرحلے میں ٹورنامنٹ سے باہر ہو گئی تاہم اس کے باوجود بھی گرین شرٹس کروڑوں روپے حاصل کرے گی۔

پاکستان کرکٹ ٹیم نے ٹورنامنٹ گروپ اسٹیج کے 9 میں سے 4 میچوں میں فتح سمیٹی جس کے بعد پانچویں پوزیشن کے ساتھ اپنے ورلڈ کپ کا سفر ختم کیا۔

آئی سی سی کی جانب سے ورلڈ کپ کے لیے مجموعی طور پر 10 ملین ڈالرز کی انعامی رقم رکھی گئی ہے۔

کرکٹ کونسل نے ورلڈ کپ میں فی میچ جیتنے کے 40 ہزار ڈالرز رکھے ہیں جب کہ جو ٹیم گروپ مرحلے سے باہر ہو گی اس کو ایک لاکھ ڈالر ملیں گے۔

پاکستان کرکٹ ٹیم جو اپنے 4 میچ جیتنے کے بعد گروپ مرحلے سے باہر ہوئی اسے انعامی رقم میں سے مجموعی طور پر 2 لاکھ 60 ہزار ڈالرز دیے جائیں گے۔

پاکستان کرکٹ ٹیم کو 4 میچوں میں کامیابی حاصل کرنے پر ایک لاکھ 60 ہزار ڈالرز ملیں گے جب کہ گروپ مرحلے کے ایک لاکھ ڈالر علیحدہ دیے جائیں گے۔

قومی کرکٹ ٹیم کو مجموعی طور پر تقریباً 2 لاکھ 60 ہزار ڈالرز 7یعنی پاکستانی کرنسی میں 7 کروڑ 30 لاکھ روپے سے زائد رقم ملے گی۔

اس کے علاوہ آئی سی سی کی جانب سے سیمی فائنل سے ہارنے ہونے والی ٹیموں کو 8، 8 لاکھ ڈالرز ملیں گے جب کہ ورلڈ کپ کی فاتح ٹیم کو 40 لاکھ ڈالرز اور رنر اپ ٹیم کو 20 لاکھ ڈالرز دیے جائیں گے۔