کراچی میں آرٹسٹ اکرم دوست بلوچ کے فن پاروں کی نمائش کا انعقاد کیا گیا، جس میں رکھا ہر فن پارہ بلوچ ثقافت کی عکاسی کر رہا تھا۔

شہر قائد کی مقامی آرٹ گیلری میں اکرم دوست بلوچ کے چالیس سے زائد فن پارے پیش کیے گئے۔

فن پارے دیکھ کر ایسا لگا جیسے بلوچستان کی حسین تاریخ اور رنگوں کے خوبصورت امتزاج نے کینوس میں زندگی بھر دی ہو۔

نمائش میں موجود شرکاء نے آرٹسٹ اکرم دوست کے فن پاروں کی تعریف کی۔

آج نیوز سے گفتگو میں شہریوں کا کہنا تھا کہ فن پارے آرٹسٹ کی محنت اور لگن کا منہ بولتا ثبوت ہیں۔

بلوچستان کی ثقافت کی الگ الگ کہانیاں بیان کرتی تصویروں کے بارے میں آرٹ کے قدر دانوں کا کہنا تھا کہ فن پارے بلوچستان کی تاریخ کے عکاس ہیں۔

آرٹسٹ اکرم بلوچ نے آج نیوز سے گفتگو میں کہا کہ جو دیکھا اسے تصاویر میں بیان کردیا۔

انھوں نے فن پاروں کی تعریف کرنے پر شرکاء کا شکریہ ادا کیا اور مستقبل میں مزید فوکس ہوکر کام کرنے کے عزم کا اعادہ کیا۔

شرکا نے ناصرف فن پاروں کو پسند کیا بلکہ مستقبل میں بھی ایسی نمائش کے انعقاد پر زور دیا۔