کراچی کے علاقے سچل سرسید چوک کے قریب بائیو مکینکل انجینئر صہیب کے قتل میں ڈرامائی موڑ آگیا ہے، مقتول کا قریبی دوست اور پارٹنر ہی سفاک قاتل نکلا ہے۔

سچل پولیس نے قاتل کی گرفتار کیلئے سومار گوٹھ میں ملزم کے گھر چھاپا مارا، اس دوران ملزم نے کمرے میں خود کو بند کرکے خودکشی کرلی۔

پولیس کے مطابق ملزم عاصم، انجینئر صہیب کا دوست تھا اور دونوں میں دو سے تین کروڑ روپے کے لین دین کا تنازع تھا۔

اس حوالے سے پولیس نے مزید بتایا کہ عاصم قتل کرکے گاڑی لے گیا تھا، مقتول صہیب کی کار بھی برآمد کرلی گئی ہے۔

یاد رہے کہ 15 نومبر کو سچل کے علاقے میں والدین کے اکلوتے بیٹے بائیو مکینیکل انجینئر صہیب ناصر کو قتل کیا گیا تھا۔

یہ بھی پڑھیں :

مفتی عبدالقیوم کی ٹارگٹ کلنگ میں پولیس کا انٹیلی جنس افسر گرفتار

کراچی: نوجوان کا قتل ٹارگٹ کلنگ یا ڈکیتی مزاحمت

کراچی : بھتہ خوری اور ٹارگٹ کلنگ میں ملوث کالعدم ٹی ٹی پی کے دو دہشتگرد گرفتار

ابتدائی طور پر یہ بات سامنے آئی تھی کہ مسلح ڈکیتوں نے مزاحمت پر صہیب نامی نوجوان کو فائرنگ کا نشانہ بنایا اور موبائل، پیسے اور گاڑی چھین کر فرار ہوگئے۔