Aaj News

بغیر لائسنس موٹر سائیکل پر آنے والے طلبہ کا اسکول میں داخلہ بند

لائسنس نہ رکھنے والے طلبہ اپنی موٹر سائیکل پر اسکول نہ آئیں، نوٹیفکیشن
اپ ڈیٹ 22 نومبر 2023 09:40pm
فوٹو:فائل
فوٹو:فائل

ڈسٹرکٹ ایجوکیشن اتھارٹی نے بغیر لائسنس موٹر سائیکل پر اسکول آنے والے طلبہ کے داخلے پر پابندی لگا دی۔

ڈسٹرکٹ ایجوکیشن اتھارٹی کی جانب سے بغیر لائسنس موٹرسائیکل پر اسکول آنے والے طلبہ کے حوالے سے اہم فیصلہ سامنے آیا ہے اور اس حوالے سے نوٹیفکیشن بھی جاری کردیا گیا۔

نوٹیفکیشن کے مطابق بغیر لائسنس موٹرسائیکل پر آنے والے طلبہ کا اسکول میں داخلہ بند ہے، ڈرائیونگ لائسنس نہ رکھنے والے طلبہ اپنی موٹر سائیکل پر اسکول نہ آئیں۔

نوٹیفکیشن میں کہا گیا کہ بغیر لائسنس موٹر سائیکل چلانے والے کم عمر طلبہ دوسرے لوگوں کے لیے خطرے کا باعث بن سکتے ہیں، ناخوشگوار واقعے کی صورت میں اسکول ایجوکیشن ڈیپارٹمنٹ ذمہ دار نہیں ہو گا۔

Schools

Lahore High Court

motercycle

Driving License

Comments are closed on this story.

تبصرے

تبولا

Taboola ads will show in this div