ایف آئی اے انٹرپول پاکستان نے کارروائیاں کرتے ہوئے سنگین جرائم میں مطلوب 2 ملزمان کو گرفتار کرکے مقدمات درج کرلیے۔

ایف آئی اے انٹرپول پاکستان نے کارروائی کرتے ہوئے اشتہاری ملزمان کو متحدہ عرب امارات (یو اے ای) سے گرفتار کرکے لاہورایئرپورٹ منتقل کر دیا۔

گرفتار ملزمان پنجاب پولیس کو مطلوب تھے، گرفتارملزمان میں حامد علی اور اعظم شامل ہیں جبکہ ان کے خلاف قتل کی دفعات کے تحت مقدمات درج تھے۔

ایف آئی اے انٹرپول پاکستان نے ملزمان کی گرفتاری کے لیے ریڈ نوٹسسز جاری کیے تھے۔

بعد ازاں ایف آئی اے امیگریشن نے ملزمان کو متعلقہ پولیس حکام کے حوالے کر دیا۔

ترجمان ایف آئی اے کے مطابق ملزمان کی حوالگی انٹرپول اسلام آباد کی انٹرپول ابوظہبی کے ساتھ قریبی رابطہ کاری کی وجہ سے ممکن ہوئی، این سی بی انٹرپول پاکستان بیرون ملک فرار ہونے والے ملزمان کی گرفتاری کے لیے گراں قدر خدمات سرانجام دے رہا ہے، انتہائی مطلوب ملزمان کی گرفتاری اور بروقت حوالگی کے لیے این سی بی انٹرپول پاکستان ہمہ وقت کوشاں ہے۔