Aaj News

جمعہ, مارچ 01, 2024  
19 Shaban 1445  

سابق پولیس اہلکار متعدد جرائم میں ملوث نکلا، گرفتاری سے بچ نکلنے میں کامیاب

ملزم کے گھر سے چرس، شراب، گٹکا، ماوا اور اسلحے کی گولیاں برآمد، ملزم فرار
شائع 29 نومبر 2023 12:51pm
فوٹو — فائل
فوٹو — فائل

کراچی میں عوام کے رکھوالے ہی جرائم کی وارداتوں میں ملوث نکلے۔

سعید آباد پولیس نے سابق پولیس اہلکار وسیم احمد عباسی کے گھر چھاپا مار کر دو کلو چرس، شراب، گٹکا، ماوا اور 50 بوریاں چھالیہ سمیت 3 رائفل کی 33 اور 12 بور کے 10 راؤنڈ برآمد کرلیے تاہم ملزم ساتھیوں سمیت فرار ہونے میں کمیاب ہوگیا۔

پولیس کے مطابق ملزم وسیم احمد عباس کے گھر سے اتحاد ٹاون کا سرکاری رجسٹر، کیس پراپرٹیزکے کاغذات ملے ہیں، اسے جبری طور پر ریٹائرڈ کیا گیا تھا۔

حکام کا کہنا ہے کہ ملزم منشیات فروشی، زمینوں پر قبضے، پانی چوری اور دیگرجرائم میں ملوث رہا جس کے خلاف متعدد مقدمات درج ہیں جب کہ 2014 میں اسپیشل برانچ نے بھی وسیم احمد عباسی کے خلاف آئی آر رپورٹ جاری کی تھی۔

پولیس نے بتایا کہ تحقیقات کے بعد وسیم احمد عباسی کو ہیڈ کانسٹیبل سے کانسٹیبل اور پھر جبری ریٹائر کردیا گیا جس کے بعد وہ خود کو صحافی کہلانے لگا اور سوشل میڈیا پر ایکٹو ہوگیا۔

ملزم نے دوبارہ منشیات فروشی، زمینوں پر قبضے، غیر قانونی واٹر ہائیڈرنٹس اور دیگر جرائم میں ملوث ہونے کے ساتھ سرپرستی بھی شروع کر دی، اس کے خلاف 5 مقدمات پہلے جب کہ 5 مقدمات مزید درج کیے گئے ہیں۔

پولیس کے مطابق 25 نومبر 2023 کو اطلاع تھی کے حَب بلوچستان سے منشیات سے بھرا ٹرک وسیم احمد عباسی کے گھر اتارا گیا تھا۔

karachi

Criminals

Sindh Police

Karachi Police

Dacoits

Comments are closed on this story.

تبصرے

تبولا

Taboola ads will show in this div