Aaj News

پیر, مارچ 04, 2024  
22 Shaban 1445  

میاں بیوی کے جھگڑے نے طیارے کی ہنگامی لینڈنگ کروادی

جوڑے کو جہاز سے اتار کر جہاں سے آئے تھے وہیں واپس بھیج دیا گیا۔
شائع 29 نومبر 2023 08:10pm
علامتی تصویر
علامتی تصویر

دوران پرواز میاں بیوی کے جھگڑے نے جرمنی کے شہر میونخ سے بنکاک جانے والی پرواز کو دہلی میں اتارنے پر مجبور کردیا۔

ائیر لفتھانزا کی پرواز میں سوار ایک جوڑے کے درمیان جھگڑا ہو گیا، جس سے طیارے کو ہنگامی لینڈنگ کرنے پر مجبور کر دیا گیا۔

دہلی ایئر پورٹ ذرائع کے مطابق پرواز میں ایک جرمن مرد اور تھائی خاتون جوڑے کے درمیان جھگڑا شروع ہوگیا، جس کے بعد طیارے کے پائلٹس نے آئی جی آئی ایئرپورٹ پر لینڈ کرنے کی اجازت مانگی۔

ائیر پورٹ حکام نے بتایا کہ جہاز کی لینڈنگ کے بعد سیکیورٹی اور ائیرپورٹ حکام اپنے ساتھ لے گئے۔

انہوں نے مزید کہا کہ یہ معاملہ دہلی پولیس کے دھیان میں نہیں لایا گیا اور اسے ٹرمینل پر ہی حل کرلیا گیا۔

بھارتی افسار نے کہا کہ ’بیوی اور اس کے شوہر نے جھگڑے کے بعد ہوائی جہاز کے عملے سے بھی جھگڑا کیا‘۔

انہوں نے کہا کہ جوڑے کو واپس میونخ بھیج دیا گیا ہے۔

emergency landing

Air Lufthansa

Couple fight

Comments are closed on this story.

تبصرے

تبولا

Taboola ads will show in this div