Aaj News

بدھ, اپريل 24, 2024  
16 Shawwal 1445  

ذوالفقار بھٹو پھانسی کیخلاف ریفرنس: بلاول کی سینئر پارٹی وکلاء سے مشاورت

ریفرنس کی سماعت کے موقع پر پیپلز پارٹی کی سینئر قیادت سپریم کورٹ میں موجود ہوگی، ذرائع
شائع 08 دسمبر 2023 09:48pm
فوٹو ــ فائل
فوٹو ــ فائل

پاکستان پیپلزپارٹی کے چیئرمین بلاول بھٹو زرداری کی زیر صدارت اجلاس میں شہید ذوالفقار علی بھٹو کیس کے صدارتی ریفرنس کے قانونی پہلو پر غور کیا گیا۔ ذرائع کے مطابق ریفرنس کی سماعت کے موقع پر پیپلز پارٹی کی سینئر قیادت بھی سپریم کورٹ موجود ہوگی۔

سپریم کورٹ میں شہید ذوالفقارعلی بھٹو ریفرنس کی سماعت کے حوالے سے پاکستان پیپلزپارٹی کے چیئرمین بلاول بھٹو زرداری کی زیر صدارت میں پیپلزلائرز فورم کے عہدیداران و قانونی ماہرین کا اجلاس ہوا۔

اجلاس میں 12 دسمبر کے سپریم کورٹ کیس اور پارٹی کی سینئر قیادت کی سماعت میں موجودگی کے حوالے سے مشاورت کی گئی۔

اہم بیٹھک میں نیئر بخاری، فیصل کریم کنڈی، رضا ربانی اور آمنہ پراچہ شریک ہوئیں جبکہ فاروق ایچ نائیک اور شہادت اعوان نے ویڈیو لنک کے ذریعے شرکت کی۔

اجلاس میں قاضی بشیر، بہرام خان ترین، راحیل کامران چیمہ، ساجد تنولی، گوہر رحمان خٹک، قاضی بشیر، غیاث الحق اوراسرارعباسی بھی موجود تھے۔

واضح رہے کہ چیف جسٹس آف پاکستان جسٹس قاضی فائز عیسیٰ کی سربراہی میں سپریم کورٹ کا 9 رکنی لارجر بینچ 12 دسمبر کو ذوالفقار علی بھٹو قتل کیس کی سماعت کرے گا۔

Bilawal Bhutto Zardari

Pakistan People's Party (PPP)

SUPREME COURT OF PAKISTAN (SCP)

zulfiqar bhutto

Comments are closed on this story.

تبصرے

تبولا

Taboola ads will show in this div